आओ जी आओ मैया आज म्हारे आंगने भजन लिरिक्स | AAO JI AAO MAIYA AAJ BHAJAN LYRICS |

आओ जी आओ मैया आज म्हारे आंगने भजन लिरिक्स | AAO JI AAO MAIYA AAJ BHAJAN LYRICS |

नमो नमो अम्बे दुःख हरनी,
नमो नमो दुर्गे सुख करनी,
नमो नमो शेरोवाली माँ,
नमो नमो भयहारिणी।
आओ जी आओ मैया,
आज म्हारे आंगने।
भगत बुलावे थाने आया सरसी,
भगत बुलावे थाने आया सरसी,
आओ जी आओ मैया,
आज म्हारे आंगने।

था बिन म्हारी कुण सुणेलो,
इण मनड़े री बातड़ली,
दर्शन री ये प्यासी अँखियाँ,
जोवे थारी बाटड़ली,
भर भर आवे है यो हिवड़ो म्हारों,
थाने ही धीरज बँधाया सरसी,
आओ जी आओ मैया,
आज म्हारे आंगने।

थे ना सुणोला म्हारी बातां,
किण जाय सुणावा जी,
थे हो माता म्हें हाँ सेवक,
थारो ही ध्यान लगावा जी,
थे ही सुणोला और,
थारे थाने ही सुणावाला,
म्हारो भी दुखडो मिटाया सरसी,
आओ जी आओ मैया,
आज म्हारे आंगने।

थाने मैया ज्योत जगावां थारी,
भजन सुनावा चाव सूं,
कीर्तन थारो आज करा माँ,
बहुत घणे उछाव सूं,
चुनड़ उढ़ावा मैया चूड़ो पैरावां,
मेहंदी ने आजा सराया सरसी,
आओ जी आओ मैया,
आज म्हारे आंगने।

ईब तो आओ दरश दिखाओ,
क्यों इतना तरसाओ जी,
ताराचंद कवे भक्तो री नैया,
आ कर पार लगाओ जी,
अटक ना जावे मैया,
बीच मँझधार में,
थाने ही पार लगाया सरसी,
आओ जी आओ मैया,
आज म्हारे आंगने।

आओ जी आओ मैया,
आज म्हारे आंगने,
भगत बुलावे थाने आया सरसी,
भगत बुलावे थाने आया सरसी,
आओ जी आओ मैया,
आज म्हारे आंगने। 

Mata ji Bhajan,Mataji Bhajan Hindi Lyrics,Matarani K Bhajan,माता जी के भजन ,माता जी भजन हिन्दी लीरिक्स,मातारानी के भजन  

Youtube Video



और भी ऐसे ही मधुर भजनों की लिरिक्स के लिए हमारी वेबसाइट को विजिट करते रहे|
इस भजन को आप अपने मित्रगणों के साथ शेयर करिए|
यदि आप भी हमें कोई भजन या अन्य उपयोगी सामग्री भेजना चाहे नीचे दिए गए बटन का प्रयोग करे|
|| आप को मारवाड़ी भजन डॉट कॉम की और से सादर जय सियाराम ||

Blogger द्वारा संचालित.